Hava limanı-“28 May” ekspress marşrut xətti üzrə dayanacaqların sayı artırılıb

09.01.2020 11:29

H1 Hava limanı-"28 May” ekspress marşrut xətti üzrə avtobusların dayanacaq məntəqələrinin sayı artırılıb.

Bakı Nəqliyyat Agentliyindən xezerxeber.az-a verilən xəbərə görə, belə ki, H1 ekspress marşrut xətti üzrə avtobuslar Heydər Əliyev adına Beynəlxalq Hava Limanı istiqamətində hərəkət edərkən Heydər Əliyev prospektinin Səttar Bəhlulzadə (Bülbülə qəsəbəsinə giriş, Saatın yanı) və 14 iyul küçələri ilə kəsişmədəki (Yeni Suraxanı qəsəbəsinə girişdə yerüstü piyada keçidinin yanında) dayanacaqlarda dayanması təşkil edilib. Şəhər mərkəzi istiqamətində isə müvafiq olaraq qarşı tərəfdəki dayanacaqlarda dayanması təşkil edilib.

Ekspress xətt üzrə avtobusların əlavə dayanacaqlarda dayanması vətəndaşların BNA-ya çoxsaylı müraciətləri nəzərə alınmaqla təşkil edilib.

© xezerxeber.az


175 dəfə oxunub

XƏBƏRLƏR

26.02.2020 17:03

Sükut dəqiqəsi

ÇOX OXUNANLAR