“Yuventus” Dibala ilə danışıqları dondurdu

27.11.2020 19:56

İtaliyanın "Yuventus" klubu hücumçusu Paulo Dibala ilə danışıqları dondurub.

XəzərXəbər apasport.az-a istinadla bildirir ki, buna səbəb tərəflərin məvacib məsələsində ortaq məxrəcə gələ bilməməsidir.

Turin təmsilçisi koronavirus pandemiyasına görə yaranan maliyyə problemi üzündən Argentina millisinin üzvünə 15 milyon avro maaş və 10 milyon avro bonus ödəmək fikrində deyil. 27 yaşlı ön xətt oyunçusu isə əməkhaqqısında endirimə getməyi düşünmür.

Dibala ilə 2021-ci ildə yenidən danışıq olacaq. Əgər o zaman da razılıq əldə olunmasa, "qoca sinyora" mövsümün sonunda onun satışına çalışacaq. Çünki əks təqdirdə futbolçu 2022-ci ilin yayında başqa kluba havayı keçəcək.

Qeyd edək ki, Paulo Dibala "Yuventus"a 2015-ci ildə "Palermo"dan keçib.


Ramil

© xezerxeber.az


219 dəfə oxunub

XƏBƏRLƏR

ÇOX OXUNANLAR