Baqali Dabo əməliyyat edildi: Avropa Liqasına yetişəcək?

26.06.2019 15:59

"Neftçi"nin fransalı forvardı Baqali Dabo əməliyyat edilib. 30 yaşlı hücumçunun əməliyyatı Türkiyədə gerçəkləşib.

Dabonun Avropa Liqasının I təsnifat mərhələsində Moldova"Sperantsa"sıilə keçiriləcək oyunlara yetişib-yetişməyəcəyi ilə bağlıpaytaxt təmsilçisinin Media, marketinq və ictimaiyyətlə əlaqələr departamentinin rəisi Rüstəm Allahverdiyevdən məlumat aldıq.

Sportal.azsaytına açıqlamasında AllahverdiyevDabonun son durumu ilə bağlı danışıb.

"Dabo yüngül əməliyyat keçirib. İndi hər şey qaydasındadır. Bir gündən sonra komanda ilə məşqlərə başlayacaq. Ehtimal var ki, o, oyunlara çatsın. Ayağında xırda bir şeydir. Cavab matçında 100 faiz meydanda olacaq. İlk oyuna da ehtimal olunur ki yetişəcək", - deyə klub rəsmisi bildirib.

"Neftçi" iyulun 11-də Moldovada "Sperantsa"nın qonağı olacaq. Komandaların cavab görüşü bir həftə sonra Bakıda reallaşacaq.

© xezerxeber.az


210 dəfə oxunub

XƏBƏRLƏR

ÇOX OXUNANLAR