Makqreqor da cəzalandırıla bilər

09.10.2018 15:01

İrlandiyalı qarışıq üslub (MMA) döyüşçüsü Konor Makqreqor döyüşdən sonra baş verən kütləvi qarşıdurma zamanı Həbib Nurməhəmmədovun komanda üzvünə zərbə vurduğu üçün cəzalandırıla bilər.

Xezerxeber.az TASS informasiya agentliyinə istinadla xəbər verir ki, bu barədə insidentin təhqiqatı ilə məşğul olan Nevada ştatının Atletika komissiyasının (NSAC) sədri Entoni Marnell deyib.

Bir qədər əvvəl komissiya təhqiqat sona çatana qədər Nurməhəmmədovun qonorarının ödənişini dondurmuşdu. Lakin indi NSAC irlandiyalı döyüşçünü də təhqiqata cəlb etmək niyyətindədir. Belə ki, insident zamanı çəkilən videoda Makqreqorun rusiyalı idmançının komanda üzvlərindən birinə zərbə endirdiyi aydın görünür.

Həbib Nurməhəmmədovun məsələsinə gəldikdə isə, komissiya ştatın baş prokurorluğunun tövsiyəsini nəzərə alacaq.

"Həbibi cərimə və kənarlaşdırma gözləyir – həmişə belə olur, lakin mən komissiyanın baş prokurorluğun tövsiyələrini nəzərə alacağını düşünürəm. Qaydalar var, nəticələri isə döyüşçünün fəaliyyətinə uyğun olacaq”, - deyə sədr əlavə edib.

© xezerxeber.az


101 dəfə oxunub

XƏBƏRLƏR

ÇOX OXUNANLAR