Arda Turan Türkiyəyə dönür

12.01.2018 14:52

"Barselona" Arda Turanla yolları ayırmağa hazırlaşır.

Türkiyə millisinin üzvü karyerasını ölkəsində davam etdirə bilər. 30 yaşlı yarımmüdafiəçinin xidmətində "Başakşəhər" klubu maraqlıdır. Bu barədə açıqlamasında futbolçunun agenti Ahmet Bulut bildirib:

"Biz onsuz da "Başakşəhər"ə müsbət cavab vermişik. Arda da "Başakşəhər"ə gəlməyə razıdır. "Barselona"nın qərarını gözləyirik. 99 faiz razılaşacaqlar. Sadəcə, kiçik məsələlər qalıb".

"Başakşəhər" rəsmiləri Ardanı Kataloniya klubundan icarəyə götürmək üçün bu gün növbəti görüş keçirəcəklər.

Qeyd edək ki, Arda Turan bu mövsüm "Barselona"da forma şansı qazanmayıb. Arda 2011-ci ildə "Atletiko"ya, 2015-ci ildə isə "Barselona"ya transfer olmuşdu.

© xezerxeber.az


415 dəfə oxunub

XƏBƏRLƏR

ÇOX OXUNANLAR