PSJ 110 milyon avroluq transfer edir

13.10.2017 15:17

Yayda Neymarı 222 milyon avroya alan, Kilian Mbappe üçün 180 milyon avroluq müqavilə imzalayan PSJ dayanmaq bilmir. Paris klubu daha bir böyük transferə imza atacaq.

Yayda Blayse Matuidini "Yuventus"a satan, Qreqori Kriçovyakı "Vest Bromviç"ə icarəyə verən PSJ 35 yaşlı Tyaqo Mottanın mövsümün sonunda başa çatacaq müqaviləni yeniləməyəcək. "Le Parisien"in xəbərinə görə, baş məşqçi Unai Emerinin bu mövqe üçün transfer siyahısında Nqolo Kante, Fabinyo və Danilo Pereyra kimi ulduzların adları var.

İddialara görə, PSJ artıq "Çelsi"nin üzvü Kante üçün danışıqlar prosesinə start verib. Mali əsilli fransalı ulduz 2015-ci ildə 9 milyon avroya transfer olunduğu "Lester" tərəfindən 2016-cı ildə "Çelsi"yə 36 milyon avroya satılmışdı. PSJ-nin isə onun üçün London klubuna 110 milyon avro təklif edəcəyi deyilir. Bildirilir ki, böyük ehtimala "Çelsi" bu keçidə razılıq verəcək./Fanat.Az

© xezerxeber.az


211 dəfə oxunub

XƏBƏRLƏR

ÇOX OXUNANLAR