2017/2018 mövsümündə Premyer Liqanın qalibi olan "Qarabağ”ın yay təlim-məşq toplanışının proqramı müəyyənləşib.
Ağdam klubu 13 iyunda Bakıda toplaşacaq. 1 həftədən sonra isə Avstriyaya yollanacaq.
Tirol şəhərinə yaxın Kössen qəsəbəsində məskunlaşacaq "Qarabağ”ın növbəti toplanış tarixi Çempionlar Liqasının püşkünün nəticəsindən sonra bəlli olacaq.
Mübarizəyə I təsnifat mərhələsindən qoşulacaq Ağdam klubu ilk oyunu evdə keçirəcəyi halda, iyulun 5-də Bakıya dönəcək. İlk görüş səfərdə olacağı təqdirdə, komanda Avstriyadan birbaşa qarşılaşacağı rəqibin ölkəsinə üz tutacaq.