Xəzər Xəbər

"Çelsi"nin futbolçusuna 3 oyunluq cəza

İdman | 15:45 • 19 Aprel 2018
"Çelsi"nin futbolçusuna 3 oyunluq cəza

"Çelsi”nin müdafiəçisi Markos Alonso "Sauthempton”la oyununda rəqib komandanın hücumçusu Şeyn Lonqa qarşı kobud oyununa görə cəzalanıb.

26 yaşlı futbolçu 3 oyunluq diskvalifikasiya olunub. Həmin qarşılaşmada baş hakim Mayk Din epizodu gözdən qaçırdığı üçün ispaniyalı müdafiəçini cəzalandırmamışdı. Ancaq oyundan sonra epizodun təkrarına baxan İntizam Komitəsi Alonsonun qayda pozuntusuna yol verdiyini təsdiqləyib və onu cəzalandırıb.

Qeyd edək ki, Alonso Premyer Liqada "Börnli” və "Suonsi”, kubokun yarımfinalında isə "Sauthempton”la görüşləri buraxmalı olacaq.


Xəbər lenti