Xəzər Xəbər

Reynaldo yenidən "Qarabağ"da? - Futbolçu "Xəzər Xəbər"ə nəyi etiraf etdi? - VİDEO

Veb TV | 13:14 • 10 Oktyabr 2018
Reynaldo yenidən "Qarabağ"da? -

Oyunuyla Qarabağ azarkeşlərinin könlündə taxt quran və rəqib fanatların böyük sayğısını qazanan Reynaldo Silva Bakıya gəlib. Ölkəmizdə ilk baş çəkdiyi məkanlardan biri də sabiq komandasının bazası olub.

İstər Azərbaycan çempionatı və kuboku, istərsə də avrokuboklarda vacib qollar vuran braziliyalının gedişi böyük təəssüf doğurmuşdu. O zaman ayrılığa əsas səbəblərindən biri kimi Türkiyədən təklif olunan yüksək əmək haqqı göstərilirdi.

Reynaldonun gedişindən sonra "Qarabağ" Azərbaycan futbol tarixində ilk dəfə çempionlar liqasının qrup mərhələsində oynadı. Amma braziliyalı bu müddətdə Türkiyədə və Çexiyada uğursuz karyera yaşadı.

Reynaldonun "Qarabağ"ın bazasında görünməsi həm ziyarət, həm ticarət təsiri bağışlayır. Hal-hazırda Qazaxıstanda "Aktobe" klubunun şərəfini qorusa da, cəmi bir aydan sonra müqaviləsi bitir. Bu isə o deməkdir ki, qısa müddət sonra onu köhnə-təzə yerində görməyimiz mümkündür.

Reynaldo "Aktobe"də 21 oyunda hələ ki 5 qol vurub.

Xəbər lenti