Şimali Koreya lideri Kim Çen In bacısı Kim Yo-jonqu Cənubi Koreyada keçiriləcək Olimpiya Oyunlarına göndərməyi planlaşdırır.
Hər iki ölkənin heyətləri yanvarın 20-də Beynəlxalq Olimpiya Komitəsi (BOK) nəzarətində razılığa gəlib. Razılığa görə, Şimali Koreyadan idmançıların qatılması və hər iki ölkənin idmançılarının olimpiya mərasimində eyni bayraq altında getməsi qərarlaşdırılıb.
Qeyd edək ki, Şimali Koreya lideri Kim Çen Inın Cənubi Koreyada keçiriləcək Qış Olimpiya Oyunlarına heyət göndərməyi bildirməsi və bu məsələ ilə bağlı rəsmi Seul ilə görüşmələrə açıq olması iki dövlət arasındakı gərginliyi azaldıb./Metbuat.az