Xəzər Xəbər

"Uşaq Avroviziyası-2019" keçiriləcək – Amma bizsiz

Şou Biznes | 17:37 • 3 İyul 2019
"Uşaq Avroviziyası-2019" keçiriləcək

Azərbaycanla yanaşı 15 ölkə də bu yarışa qatılmaqdan imtina edib. Nəticədə müsabiqəyə yalnız 20 ölkə qatılıb.

Azərbaycan 24 noyabr 2019-cu il tarixində Polşanın Qlivitse şəhərində keçiriləcək 17-ci "Uşaq Avroviziyası-2019" beynəlxalq mahnı yarışında iştirakdan rəsmən imtina edib. Bu barədə İctimai televiziyanın mətbuat xidmətindən məlumat veriblər.

Bu yarışda iştirakdan Azərbaycandan başqa 15 ölkə imtina edib: Böyük Britaniya, Almaniya, Danimarka, İsrail, İslandiya, Kipr, Moldova, Norveç, Finlandiya, Xorvatiya, Çernoqoriya, Çexiya, İsveçrə, İsveç və Estoniya.

Müsabiqədə cəmi 19 ölkə iştirak edəcək: Avstraliya, Albaniya, Ermənistan, Belarus, Gürcüstan, İrlandiya, İspaniya, İtaliya, Qazaxıstan, Malta, Niderland, Polşa, Portuqaliya, Rusiya, Şimali Makedoniya, Serbiya, Ukrayna, Uels və Fransa.

Qeyd edək ki, Azərbaycan bu müsabiqədə üç dəfə iştirak edib. 2012-ci ildə bu yarışda ölkəni Ömər Sultanov və Suada Ələkbərova, 2013-cü ildə Rüstəm Kərimov, 2018-ci ildə isə Fidan Hüseynova təmsil edib.

Xəbər lenti