Xəzər Xəbər

Qida Təhlükəsizliyi Agentliyi 68 obyektdə pozuntu aşkarlayıb

İqtisadiyyat | 17:59 • 6 İyul 2020
Qida Təhlükəsizliyi Agentliyi 68 obyektdə pozuntu aşkarlayıb

Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədi ilə Qida Təhlükəsizliyi Agentliyi tərəfindən ictimai iaşə və qida məhsullarının ticarəti ilə məşğul olan sahibkarlıq subyektlərində reydlər davam etdirilir.


Agentlikdən xezerxeber.az-a verilən məlumata görə, Bakıda və regionlarda fəaliyyət göstərən 41 ictimai iaşə obyekti, 104 ərzaq satışı mağazası olmaqla ümumilikdə 145 müəssisədə reyd keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.


Reyd keçirilən obyektlərdən 68-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Həmin müəssisələr arasında Bakı şəhərində "Bizim RSN”, "Grand”, "Zirvə”, "Ramaşka”, "Pioner”, "Muxtar”, "Bakı”, "EF”, "Bursa”, "Təzə bazar”, "Nilufər”, "Zəhra”, "Dərnəgül” ərzaq mağazaları, Həsənov Teymur Əfsər oğluna, Həsənov Eldar Səlim oğluna, İsmayılova Vüsalə Rövşən qızına, Bünyadzadə Azər Firudin oğluna, Bayramov Bayram Fəxrəddin oğluna, Əhmədov Nicat Kərim oğluna, Xəlilov Kərim İbrahim oğluna məxsus marketlər, Xaçmaz rayonunda Məmmədov Elvin Əjdər oğluna, Sərdarlı Sərvər Rüstəm oğluna, İdrisov Afər Şəmsəddin oğluna məxsus ərzaq mağazaları, Şabran rayonunda Vəliyev Nicat Əziz oğluna məxsus ərzaq mağazası, Bərdə rayonunda Hüseynov Çəmən Fərrux oğluna, Abbasov Ramil Rizvan oğluna, Misirxanov Babək Atalin oğluna, Kərimov Rövşən Rafiq oğluna, Səlimov Xurşud Ağaəli oğluna məxsus marketlər, Yevlax rayonunda Əsədov Xəyal Elman oğluna, Ələkbərov Kamil Qürbət oğluna, Hüseynov Elşən Zahir oğluna, İbrahimov Ceyhun Talış oğluna, Şahverdiyeva Sahibə Yusif qızına məxsus ərzaq mağazaları, Goranboy rayonu, Sarovlu kəndində "Tac” market, Gəncə şəhərində Əlizadə Elçin Alim oğluna, Hüseynov İlqar Nizami oğluna məxsus ərzaq mağazaları, "Ruzi” və "Cavid” marketlər, Göyçay rayonunda Həsənov Neyman Gülbala oğluna, İbrahimov Ehtibar Rafiq oğluna, Xəlilov Müqəddəs Sirac oğluna məxsus kafelər, Şamaxı rayonunda Ömərov Vüqar Arif oğluna, Cabbarov Tərlan Bəhməndiyar oğluna məxsus ərzaq mağazaları, Qazax rayonunda "Çinar” kafe, "Omaroğlu”, "Nərimanov”, "Əlillər” marketlər, Şəmkir rayonunda "Oba”, "Üç qardaş”, "El” ərzaq mağazaları, "Elçin” və "NZS” kafelər, Tovuz rayonunda "Şır-şır”, "Dostluq”, "Bahar”, "Vladivostok” kafelər, "Mələk” və "Moskva” marketlər, Ağstafa rayonunda "Kəsəmən” və "Anar” ərzaq mağazaları, Qəbələ rayonunda Bağırov Əli Sabir oğluna, Kərimov Gündüz Abdulhəsən oğluna məxsus kafelər, Əzizli Turan Şirin oğluna və Mənsimov Mahir Nüsrət oğluna məxsus ərzaq mağazaları, Lənkəran rayonu, Sütəmurdov kəndində Hüseynov Rüfət Almas oğluna məxsus "Xəzər” market, Şirvan şəhərində Rəsulov Mirağa Vahid oğluna məxsus kafe və Şahbazov Akif İltifat oğluna məxsus ərzaq mağazasında daha çox uyğunsuzluqlar aşkar edilib.


Qida Təhlükəsizliyi Agentliyi Bakıda və regionlarda fəaliyyət göstərən ictimai iaşə obyektləri və ərzaq mağazalarında yoxlama-nəzarət tədbirlərini bundan sonra da davam etdirəcək və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcək.

Rubrikanın digər xəbərləri

Xəbər lenti