İran Azərbaycanla ticarət dövriyyəsini 5 milyard dollara çatdırmaq istəyir

İranla Azərbaycan arasında ticarət dövriyyəsi 73 faiz artıb. Biz qardaş Azərbaycanla ticarət dövriyyəsini bu il 5 milyard dollara çatdırmaq niyyətindəyik. Bu, bir qədər çətin olsa da birgə çalışmaqla buna nail ola bilərik.

Bu barədə İranın Azərbaycandakı səfiri Cavad Cahangirzadə İranda İslam İnqilabının 40 illiyinə həsr olunan görüşdə bildirib.

Səfir deyib ki, bu gün İran-Azərbaycan münasibətləri çox yaxşı səviyyədədir. Bu əlaqələr təkcə siyasi deyil, iqtisadi sahədə də özünü göstərir. Bütün sahələrdə yüksək səviyyəli əməkdaşlıq bizi sevindirir. Lakin bu əməkdaşlığı daha da inkişaf etdirmək lazımdır.