Sənaye parklarına indiyədək 2,6 milyard dollar investisiya yatırılıb, tikintidə və istehsalda 11 minə yaxın iş yeri yaradılıb.
XəzərXəbər xəbər verir ki, bu barədə Prezident İlham Əliyevin sədrliyi ilə keçirilən Nazirlər Kabinetinin
2018-ci ilin birinci yarısının sosial-iqtisadi inkişafının yekunlarına
və qarşıda duran vəzifələrə həsr olunan iclasda iqtisadiyyat naziri
Şahin Mustafayev bildirib.
Nazir qeyd edib ki, növbəti mərhələdə
1,1 milyard dollardan çox investisiya qoyuluşu və 7500-dək yeni iş
yerinin açılması nəzərdə tutulur. Artıq Sumqayıt Kimya Sənaye Parkında 7
müəssisə fəaliyyət göstərir, 2018-ci ilin sonunadək daha 7 müəssisə
istifadəyə veriləcəkdir.