İyulun 4-də futbol üzrə İtaliya A Seriyasının 30-ci turunun növbəti oyunu keçirilib.
Xezerxeber.az xəbər verir ki, turun mərkəzi qarşılaşması sayılan görüşdə "Latsio” və "Milan” komandaları üz-üzə gəlib.
"Olimpiko” stadionunda təşkil olunan qarşılaşma "Milan”nın 3:0 hesablı qələbəsi ilə başa çatıb.
Milanlıların heyətində Hakan Çalhanoğlu, Zlatan İbrahimoviç və Ante Rebiç fərqləniblər.
Bu qələbədən sonra xalını 46-a çatdıran "Milan” turnir cədvəlində altıncı yerə yüksəlib. "Latsio” isə 68 xalla 2-ci yerdə qərarlaşıb.