"Fənərbaxça” uzun illər xidmətindən istifadə etdiyi Volkan Dəmirəllə yollarını ayırmaq qərarına gəlib.
"Bursaspor”dan Harun Tekinin transfer edilməsi ilə elə
ilk oyundan komandadakı yerini itirən təcrübəli qapıçı, 16 illik
"Fənərbaxça” karyerasını bitirməyə hazırlaşır.
36 yaşlı qapıçıya ABŞ-dan 2 klubun təklif göndərdiyi deyilir. Razılıq əldə olunarsa, Volkan bu ilin qışında Amerikaya transfer olunacaq.
2002-ci ildən bəri "Fənərbaxça”nın "çərçivə”sini qoruyan Volkan, "bülbüllər”lə 5 dəfə çempionluq yaşayıb.
